1967 жылы Ақтау қаласында дүниеге келген. Осы қалада орта мектепті аяқтаған. 1984 жылы ПГМК тау-кен басқармасының жөндеу-механикалық цехында токарьдың шәкірті болып еңбек жолын бастаған. 1985 жылы Воронеж жоғары әскери авиациялық- инженерлік училищесіне оқуға түсіп, инженер-метеоролог мамандығы бойынша диплом алды. Кейін Алматыдағы Орталық Азия университетінде «Маркетинг және коммерция» мамандығы бойынша екінші жоғары білімді аяқтап, «Маркетинг-экономист» біліктілігін алды.

1990-1992 жылдары Қарулы Күштер қатарында болды.
Сергей Ворожейкиннің одан кейінгі еңбек жолы теңіз және теңіз жүктерін тасымалдаумен байланысты.

1992-1997 жылдары «Қазақстан-Сервис» компаниясының Ақтау филиалында: жетекші маман, Сыртқы экономикалық байланыстар бөлімінің жетекші менеджері, директордың экономика жөніндегі орынбасары қызметтерін атқарды.

1997-2000 жылдары Ақтау халықаралық теңіз сауда портының маркетинг және коммерция тобының жетекшісі, маркетинг және коммерция менеджері, сауда және жүк бөлімінің бастығы қызметтерін атқарды.

2000-2001 жылдар аралығында «Ақ Бидай» ЖАҚ Ақтау филиалында жұмыс жасады, бастапқыда коммерциялық менеджер болып, кейін филиалды басқарды.

2001-2005 жылдары «Қазтеңізкөлікфлоты» Ұлттық теңіз кеме қатынасы компаниясы» ЖАҚ Ақтау қаласындағы ҰТКК өкілдігінің бас менеджері, коммерциялық департамент директоры, «Қазтеңізкөлікфлоты» АҚ бас директорының кеңесшісі қызметтерін атқарды.

2005 жылы «Қазтеңізкөлікфлоты» АҚ бас директорының коммерциялық мәселелер және корпоративтік даму жөніндегі орынбасары, кейін коммерциялық мәселелер бойынша басқарушы директор болды.

2008-2017 жылдары — «OMS Shipping» ЖШС бас директоры қызметін атқарды.

2017 жылғы қыркүйектен 2018 жылғы мамырға дейін — «OMS Агенттігі» ЖШС бас директоры болды.
Ресей мен Еуропаның ірі университеттерінде бірнеше рет біліктілігін арттырды.
Сергей Ворожейкиннің еңбегі көптеген үкіметтік наградалармен атап өтілді.

Отбасын құрған, екі ұлы бар.